امرؤ القيس+المتنبي+الفرزدق+جرير....هنا!!!؟؟؟

]كانوا اربعه في سالف العصر والأوان
المتنبي
امرؤ القيس
جرير
الفرزدق

راكبين سيارت المتنبي ( الكرولا ) وطالعين يتعشون بروستد

طبعا امرؤ القيس ( شايبهم ) كان متضايق لانه
ما يحب طلعات الليل وكان يقولهم
خلنا نطلب العشا سفري و كل شوي يلمح لهم ويقول :
" ألا أيها الليل الطويل ألا انجلي *** بصبح وما الإصباح منك بأمثل"

بس الشباب مطنشينه لانهم يحبون الدواران في شوارع الرياض
عموما

المتنبي ما كان منتبه له؟‍!
لان واحد من عليمية الرياض حده بالسياره وخلاه يرقى الرصيف
انقهر المتنبي لدرجة انه التفت على الشباب وهو يصارخ :
" من لم يمت بالسيف مات بغيره *** تعددت الأسباب والموت واحد "

بس الفرزدق و جرير ( اللي كانوا راكبين ورى ) ما كانوا فاضين له
‍‍‍!
شي غريب جرير والفرزدق راكبين جنب بعض
اكيد انواع المناقر بينهم ( 24 ساعه)
عسى دوم يارب
فجأه عم الهدوء
استغرب المتنبي !!
ماهي عادتهم
اثاري قاعدين يكحلون عيونهم
شافو طرف عباه طالع من جمس ومظلل

تهيض جرير
( عاد ذاك مايبي له شيء ) وقال :
" إن العيون التي في طرفها حور *** قتلننا ثم لم يحيين قتلانا "

وقام يتطلب المتنبي يلحق الجمس
احببتها..ارجو ان تدوس بترول وتلحق خلفهم (بترول=بنزين)

عاد المتنبي يووووووووه انواع الغرور في ذاك الآدمي
رد عليه:
ما بقي الا هي
أنا المتنبي أنا اللي:
" الخيل و الليل والبيداء تعرفني *** والسيف والرمح والقرطاس والقلم "
تبيني الحق الجمس
اسف ياخي تخيل شافنا ابو العتاهيه بجمس الهيئه بيمسكنا أنت وخشتك .!!

زعل جرير وقفلت معه
وبغى يتضارب مع المتنبي
و لأول مره في تاريخ الشعر العربي
اتفق جرير و الفرزدق على نقطه معينه

وقام الفرذدق يحاول بالمتنبي
و هات يا مدح و دحلسه في المتنبي
" هذا الذي تعرف البطحاء وطأته *** والبيت يعرفه والحل والحرم "
حتى وصل بالمدح الى...
" ما قال لا قط إلا... في تشهده *** لولا التشهد.. كانت لاؤه نعم "

بالأخير انتفخ راس المتنبي و قرر يلحقهم
وهاتك مطارد
طبعاً امرؤ القيس راكب قدام
كان مكبر راسه من جهة البنات

بس كان عاجبه الجمس حقهم ( جمس موديل 1004 يداعب الريح )
و ما فيه الا غزل بالجمس :
" مكر مفر مقبل مدبر معا *** كجلمود صخر حطه السيل من عل "

المهم..بدا الجمس يبعد عن الشباب

بدى جرير يستهزئ بعزم الكورلا ويقول للمتنبي:
" على قدر اهل العزم تأتي العزائم *** وتأتي على قدر الكرام المكارم "

قفلت مع المتنبي وقال للفرزدق :
ما الومك بهالغثيث
والله بعذرك تكرهه
الله يلوم اللي يلومك

قال الفرزدق اجعلها بثنين حتى تقرص

ردها المتنبي باثنين
ودوووووووووووس
وبقدرة قادر صادوا الجمس
وقف بالاشاره جنب الجمس

و قال المتنبي لجرير :
يالله ورنا شطارتك

رد جرير :
اعتبر الموضوع منتهي و ياحبيبي طيحنا بنات مجمع ابو سفيان خخخخخخخخخخخخ
انظر وتمعن

اشر جرير للبنات نزلو القزازه
عاد البنات ما صدقوا خبر
أول ما أشر جرير فتحوا القزازه

وكانت صدمه ما بعدها صدمه !!
شلة طقاقات

الشباب انصرعوا من هول المفاجأه
عاد البنات تحطموا يوم شافوا ردة الفعل
و قاموا يتكلمون عليهم

جرير كان اكثر واحد متأثر
فصار يرد
ويقول لهم :

"ياماشي درب الزلق لاتامن الطيحه***اغربي عن وجهي ايتها البومه"

طبعا الوضع صار مكهرب بالسياره

بهذا الوقت قال امرؤ القيس:
و الله أنى قايله

موضوع فيه غزل و سربته اكيد ابو نواس بيحضر أول واحد

ردالفرزدق :
شف ابو نواس ذا المصلحجي جايب معه عنتره فزعه وقت المشاكل

في الجهة الأخرى
كان عنتره يتميلح جنب البنات
و طالع من فتحت الكامري وهو يقصد للبنات
" و لقد ذكرتك والرماح نواهل *** مني وبيض الهند تقطر من دمي
فوددت تقبيل السيوف لأنها *** لمعت كبارق ثغرك المتبسم "

ضاق صدر المتنبي بدون سبب
و قال لشباب :
ياناس والله قهر حتى ذا الشين قام يغازل
وبدون مقدمات فتح المتنبي القزازه
و قال لعنتره :
" لا تشتريِ العبد الا و العصا معه *** إن العبيد لأنجاس مناكيد "

عنتره سمع المتنبي ولا ما سمعه
ويوللللللللللللللع
عاد ابو نواس يحب الشر
طنش البنات ولحقهم بدون ما يقول له عنتره

و قام ابو نواس يكبس لهم ويقول :
توقف مسوي فيها قوي
يوم جا الجد انحشتوا ولا صحيح " كلام الليل يمحوه النهار "

لكن المتنبي اشر لهم وقال لهم الوعد عند مجمع أبو جهل
في ها اللحظه
ابو نواس قال لعنتره :
هم اربعه وحنا اثنين ( و المازدا ما تكفينا )
و احيانا الكثره تغلب الشجاعه
قال له عنتره :
ما عليك بتصل على اكبر مشكلجي بالرياض
أول ما يدري أن الموضوع فيه مضاربه بيجيك مدرعم
قال ابو نواس :
منهو ?
رد عنتره :
من غيره
السنايدي .. تأبط شرا
قال ابو نواس :
عز الله اللي راحوا فيها

بس المشكله انهم يوم دقوا على تأبط شرا لقوا جواله مفصول
صرخ عنتره :
افااااااااااااااااا لقد توهقنا.!!
رد ابو نواس :
لم نتوهق ولاهم يحزنون تأبط شرا دايم يجلس في مجلس ابو تمام
دق عليه هناك
دق عنتره على المجلس
عنتره: هلا السلام
ابو تمام: وعليكم السلام مرحبا
عنتره:عندك تأبط شرا
ابو تمام : ايه !!
عنتره: ياعزوتي يابعد حيي الفزعه
الموضوع كيت و كيت تجون ولا..لا ؟؟
ابو تمام :
" السيف اصدق إنباء من الكتب *** في حده الحد بين الجد واللعب "

وماتو جميعهم

نهاية محزنة
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الله يرحمهم

أحلى شي لقد توهقنا

يا حلوك ميمو قصه طريييفه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
مرووورك الاحلى غااليتي
لاااعدمت هالطلللة [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
اثاريهم مهايطيه [ندعوك للتسجيل في المنتدى أو التعريف بنفسك لمعاينة هذه الصورة]
يسلمو ميمو ع القصه التووووخفه [ندعوك للتسجيل في المنتدى أو التعريف بنفسك لمعاينة هذه الصورة]

‘,

هههههههههههههههههههههههههة [ندعوك للتسجيل في المنتدى أو التعريف بنفسك لمعاينة هذه الصورة] ..
الله يرحمهم بس.. [ندعوك للتسجيل في المنتدى أو التعريف بنفسك لمعاينة هذه الصورة] }..

[ندعوك للتسجيل في المنتدى أو التعريف بنفسك لمعاينة هذه الصورة]