عـــذبـه.!
.
.gif ".")
مساهماتك : 2368
تاريخ التسجيل : 23/11/2009
العمر : 32
الموقع : بين الرجــاء واليــأس
 |  موضوع: قصص مواقف من الخارج  الجمعة مايو 21, 2010 7:21 am | |
| من منا ما يعرف أحد مبتعث للدراسه..؟؟!!!
يمكن تكون أنت....أو أحد والديك....أو أحد من أقاربك...أو أحد الأصدقاء.
مواقف مروا فيها...و تعرضوا لها مضحكه....مبكيه.., صدمات حضاريه تعرضوا لها....يمكن استفيد أنا منها وغيري كثيييييير..
أبدأ..
هذا موقف واحد يقول:قد تعرفت فتره على خال مسلم الولد اسلم في السجن الله يثبته تخبرون نتعاطف مع المسلمين صرت امره كل جمعه تقريبا وآخذه معي لصلاة الجمعه وبعد الصلاة اغديه في مطعم من ها المطاعم ،،فا في ثالث جمعه اخذه لها يبدو ان الرجال طيح الميانه مع الخطيب فجآه وانا اناظره الا الاخ حاط سماعات في اذنه [ندعوك للتسجيل في المنتدى أو التعريف بنفسك لمعاينة هذه الصورة] !! محد انتبه سكت انا ماقلت شي ولا كني اعرفه بعد الصلاة يوم ركبنا السياره اسئله وش كنت تسمع والامام يخطب !! انا قلت ممكن فيه احتمال واحد في الميه يقولي قرآن صرعني وقال 2pac انا ما ادري وقتها اضحك او ارميه من الشباك قلت له ليييييه رد بكل برود it was boring man يقصد الخطبه الله يعميه ..شرحت له انه مايصلح وفي نص كلامي قاطعني وقال وين بنتغدا فيه اليوم سكت وعرفت ابو الشباب موب يجي الجمعه الا عشان فيها غدا بعد الصلاة وشكله ماقد ركعها الا في السجن !!تغدينا وتم السحب عليه بعد ذالك ................................فيه موقف ثاني حصلي وانا صغير نوعا ما ،، كتكوت توني مخلص الثنوي الواحد وقتها يحس ان الرجوله وقفت عنده ويا ارض اتهدي ماعليكي ئدي المهم كنا في تركيا مع الاهل وكان فيه سوق في اسطنبول اسمه تقسيم لا عاده الله من سووق ...الى يومك مانسيت اسم السوق من الروعه اللي جتني هو سوق مفتوح شارع كبير فيه محلات طفشت من المشي مع ها الحريم يدخلون محل ويجلسونساعه ونص في كل محل قلت للوالد الكريم انا بتمشى لحالي واذا جت الساعه الفلانيه الوعد المكان الفلاني ،، قال خلاص رح وفكنا من خشتك ..وانا اتمشى الا جاني واحد حول عمري بس كنه اكبر بسنه سنتين سئلني كم الساعه بالانقلش جاوبته ثمن قالي انت من وين قلت السعوديه ضحك ورد على بالعربي وجلس يسولف شوي صار من ها الاتراك اللي يتكلمون عربي الزبده قالي وش رايك نتشمى سوا هنا قلت قداام وصرنا نمشي على المحلاات سوا ونسولف لين مرينا من عند محل تنزله بدرج والباب على الجوانب اذا نزلت قال هذا مطعم وش رايك ندخل نشرب لنا شي او ناكل شي قلت اوكي يلااا والله وننزل وندف الباب وندخل الا فييه ذاك العيييير اللي ورا الباب دخلنا وهو واقف ورا الباب الا ها المكان شكله بار في الليل وفيه الآلاات الموسيقيه حقت الباند وابد مافيه الا حناقلت له مافيه احد ها المطعم قال ايه يجونه الناس في الليل ،، سكت وبداني الخوف ،،شوي الا جا الويتر وجاب منيوي وقال وش تبون قلت انا مابي شي << طقتني ام الركب التركي طلب ببسي جابو لنا علبة ببسي مقاس عائلي وفتحها قدامنا ..وصب لنا وماشربت شي مسوي ذكي لا يكون محطوط فيه شي << ابوك يا المفتح [ندعوك للتسجيل في المنتدى أو التعريف بنفسك لمعاينة هذه الصورة] لو انك مفتح يا حمار كان ما جيت معههه ..الزبده خمس دقايق وقلت للتركي يلا بنطلع قال اوكي وجابو الفاتووووره الفاتوره كانت عباره عن استهبال تخيلو ببسي ب 5000 دولااار ناظرتها ما استوعبت واسئله قلت هذي كم قال 5000 دولاار قلت وشو خيييير الزبده الويتر يناظرني قال ادفع احسن لك قلت منيب دافع هذا اللي شرب ماشربت انا شيبالانقليزي طبعا ..شوي والا تجمع على الطاوله اربع بادي قاردز اجسامهم كبر الجدار واتلفت ادور الباب الا الباب بعيد وواقف عنده واحد ولا فيه لا شبابيك يمديني انحاش منها ولا شيقال اذا منتب دافع قم كلم المدير طلعت الفلوس اللي معي وتجي لها تقريبا 300 ريال قلت هذا كل اللي معي ،،،قال لازم المبلغ كامل قم كلم المدير في مكتبه طبعا هنا انا وصلت لمرحله ثانيه من الخوف والتفكير جا في بالي هل اقاوم وهم بيغتصبوني او اسبلها واتوكل على الله وآخذها درس واعيش طول عمري مكسور العين فا في لحظات التفكير السريع قررت اقاوم لآني في الاخير مذبوح مذبوح المهم استجمعت قواي وقلت وين مديركم ويدخلوني ذاك المكتب غرفه اثنين في ثلاثه ووواحد شايب جالس ورا مكتب شنبه وش كبره اتوقع وزن الشنب لحاله خمسه كيلوو ..ويسكرون الباب وذا الباديقارديه حولي وطلع الشايب يتكلم عربي ويجلس يهاوش فيني طلع الفلوس اللي معك قلت له مامعي الا اللي عطيتهم ويجلسون يفتشوني ولا لقووو شي والا الشايب يقوم من مكتبه ويقرب لنا ويسطر التركي اللي جابني يوم طاح على الارض ،، ويقوله هذا واحد تجيبه لنا ما معه فلوووس ؟؟ وسكت الحيوان ورد عليه بالتركي مدري وش قال ..واشوا ما كان معي لا الجواز ولا اي وثيقه رسميه قال الشايب ماراح تطلع لين تجيب الفلوس وبعدين وين جوازك ليه ما معك جواز اضاهر ان السعوديين اللي قبلي اللي سووها فيهم كانت معهههم جوازاتهم قلت له انا ابن مسؤل كبير دبلماسي وجوازي مع السفاره <<< نصاااااااااب يقالي ابخرشه [ندعوك للتسجيل في المنتدى أو التعريف بنفسك لمعاينة هذه الصورة] واذا تآخرت اكثر من كذا هنا هم راح يبغلون البوليس والمرافقين حقيني موجودين في السوق بس تركتهم ومشيت لحالي ،، فا الاحسن لك ولي انك تتركني اروح وتعالي اليوم في الفندق واعطيك الفلوس اللي تبي واعطيه عنوان فندق غير اللي ساكنين فيه ورقم غرفه غلط طبعا هو مستحيل يجيني بس احس زي اللي توهقو وماعرفو وش يسوون فيني ما معه فلوس وبلشنا فيه وشينه بحقهم اطلع كذا اخذ نظارتي الشمسيه واشوا انها تقليد بعد شاريها من محطه جعلها تخرب عيونه !!وقال خلاص يلا اطلع ومره ثانيه لا تمشي مع احد ما تعرفه واوصل الى باب ها البار ويفتحونه وكآني انولدت من جديد واطلع اركض اركض ولا اللتفت ورا واوصل للمكان اللي مواعد فيه اهليي واخمخمهههم وفاق خشتي بضحكه كبر الباب منيب مصدق اني طلعت سليمو وشفت اهلي مره ثانيه ،، ويقولون وش فيك واقول ولا شي واسكر خشتي واسكت اليوم كله متنح موب مستوعب اللي صار مع الروعه وابوي في الليل يقول مشالله نازله عليك ملائكة ربي اليوم هادي الله يصلحك موب عوايدك وانا اقول بنفسي بلا والله ما تدري وش اللي صار اليوم ولا كان ترجع للسعوديه تجيب عقالك وتجي تمردغني لين اشوف الحمار واقوله يا خالي ..فا انتبهو الله يصلحكم لا تثقون بالناس الاغراب ترا موب كل مره تسلم الجره وبالنسبه للعجز انا قلت التوبه عقب شايب فشلني الله يهديههههكان يقطع الشارع في الاشاره اللي قبالي ورحمته لفيت يمين ووقفت ورحت له اركض واقول بخاطري الله يلعن ها الكفار محد منهم فكر ينزل يساعد ها الضعيف يوم وصلته واجي ابمسك يده ويدفني ويهاوش واقوله ابساعده تقطع الشارع ويكمل هواش مدري وش يقول يتحلطم يوم انه ضاع وجهههي وابتسم اناظر السيارات اللي قباله متفشل الا واحد يطلع يده من الشباك ويصفق لي يواسيني ياحليلههههه وعطاني ثمب اب ورجعت لسيارتي وانا اقول وش لقفني استاهههههل جعله تحت تريله شايب الديمن ..من المواقف اللي واجهتها هي بمطار اتلانتا ضيعت البوابة .. وكان معي شنطة كبيرة .. مع حماس الضياع والبوابات ووو .. قلت خلني اترك الشنطه هنا واذا خلصت امور البوردينق واصدرته رجعت للشنطه ؟! فكرة حلوة صح ؟ لكن هذا مهوب بأمريكا .. هذا بمطار الملك خالد الدولي اللي يجزاك خير بعد ما اصدرت البوردينق وكذا .. رجعت لشنطتي .. واشوف عندها خمسه ضباط [ندعوك للتسجيل في المنتدى أو التعريف بنفسك لمعاينة هذه الصورة] .. تخيلوا الموقف!! عربي وترك شنطه كبيرة بمطار اتلانتا اللي يعتبر من المطارات الأكبر داخل أمريكا .. الضباط كانوا حول الشنطه .. أنا وبحكم عروبتي ومكري ودهائي قلت خلني اخذ الشنطه وكأني ما شفتهم أول ما قربت من الشنطة علطول صارخ على الضابط اللي فوق الشنطة يقول دونت تتش .. ليه يالطيب ؟ ماي شنطة ؟ قال ببيتكم يور شنطة .. رفعت راسي قال لي الآي دي ؟ عطيته الجواز الأخضر هو علطول صار كذا .. قلت له يابن الحلال انت واضح إنك رجال طيب ووو من هالكلام العربي الماكر الجميل .. قال لي ليه تركت الشنطة هنا ؟ قلت لأنها ثقيلة ؟ قال طيب ليه تركتها بمكان المسافرين ( كنت حاطها بكراسي الإنتظار عند أحد البوابات ) قلت لأنها ثقيلة ؟ تكلم بطريقة سريعة اسكت وقلت له سوري ايام نوت سبيك انقليش نووو انقلييش .. نوو انقليش [ندعوك للتسجيل في المنتدى أو التعريف بنفسك لمعاينة هذه الصورة] هو توهق مايدري وش يقول .. اسمع الضابط اللي جنبه قال له : خله يعرف إننا متابعين من أول ما نزل من الترانزيت هههههه وإن مدة وجود الشنطة بدونه كانت 23 دقيقة << شكله المحاسب حقهم بعدها بلشوا فيني .. مايدرون وش يسوون بهاللي مايعرف انقليزي ؟! آخرتها عطاني الشنطة وعطاني الجواز الأخضر الله يخليه لنا وقال لي طس بس بي كيرفول .. ما يستفاد من القصة .. لاتضيع بوابتك بالترانزيت ..لاتترك شنطتك أبداً ..اذا توهقت وحسيت إن الموضوع موضوع امرقيشن وحكومة .. وكانت لغتك الإنقليزية ركيكه لاتقول أنا شكسبير وووو .. حاول تخلص الموضوع وتقول ما اعرف انقليزي راح يريحك + اذا كان الموضوع مهم راح يجيبون لك مترجم .. مثل ماسوت معي شركة دلتا للطيران جابو لي مترجم علشان أشرح له أسباب عدم ركوبي للترانزيت .. من أهم النصايح اللي ممكن اقدمها للشباب والبنات هي " لا تثق بأحد " مهما كان الشخص ظاهر عليه الصلاح ومهما كان الشخص ارتحت له الا انك لا تعطيه مطلق الحرية إنه يعرف كل أسرار حياتك .. الأمر الأهم هو لا توقّع على أي ورقة وأنت ماتدري وش هي ؟ هذا موقف قاله لي واحد يدرس بأمريكا :كنا شله ودقينا على خوينا عزيّز اللي ساكن مع عائله نبي نمره ونطلع سوا مير مايرد علينا .. رحنا لبيت العائله .. دقينا الجرس وطلع لنا بزر العائله وقال : أؤزيز نو بوه .أستغربنا أن عزيز ماهو بوه وين هو رايح ولا علمنا ؟ المهم سحبنا على عزيز ورحنا نتمشّا.. بعد ساعه دق علينا قال تعالوا مرونن يوم جينا مريناه يمار عزيّز معه عفشه وواقف بالشارع ( تقل مطلقه ) وتبدو على وجهه ملامح التشرّد . ركب معنا .. سألناه وش سالفتك ؟ وترى تو جينا نبي نمرك قال البزر أؤزيز ليس موجود ؟قال : أنا آسف ياجماعه بس عندي أختبار بعد يومين وأنا أذاكر أنتم جيتوا وقلت للبزر يصرفكم .. يوم جو أبو و أم العائله سألوا البزر من اللي جاء اليوم ؟ قال : لقد أتوا أشخاص يسألون عن أؤزيز وقال لي أؤزيز أكذب عليهم وقل أني غير موجود وقد فعلت ذلك الأم والأبو قفلت معهم وطلع من مناخرهم نيران و راحوا لعزيّز وكرشوه يقولون : أنت تريد أفساد إبننا وتعلمه العادات السيئه مثل الكذب .. أخرج من البيت الآن غير مأسوفاً عليك و حلت عليك اللعنه .مايُستفاد من القصه : لاتاخذ راحتك لاصرت ساكن ببيت عائله
وتحسبك ببيتكم .الموضوع من تجميعيأتمنى انكم استفدتوا وانبسطتوا ع المواقفواللي عندها مواقف تزيدنا | |
|
عـــذبـه.!
.
مساهماتك : 2368
تاريخ التسجيل : 23/11/2009
العمر : 32
الموقع : بين الرجــاء واليــأس
| | موضوع: رد: قصص مواقف من الخارج الأحد مايو 23, 2010 11:33 pm | |
| ^^^^^^^^^^
موقف كاتبته وحده عن عمها وعمتها تقول:
أستاجروا فـندق وأتفقوا على سعر أسبوع , مادري كم السعر بس نفترض إنه ( 6000)
خلصت هالخمس أيام , جاء يحاسب عمّي يمار طلع الحساب زايد حول 3000 يعني صار ( 90000 ) [ندعوك للتسجيل في المنتدى أو التعريف بنفسك لمعاينة هذه الصورة] <<<هذا وجه عمي طبعن يوم درا إن السعر زايد
عمي : وش السالفة ليش زاد السعر بحول 3000 ياحرامية والخخ .. ؟
موضف الأستقبال : الحساب الزائد هو ثمن ما تشربة من المشروبات الروحية يا عزيزي . ( الترجمة العامية : من هالخمر اللي تلطة كل يوم ) عمي : أصلا أنا أذا شربت ريد بُـل أو بايسن أدوخ أسبوع ماهو عاد أشرب خمر
أنا ماشربت بس أنتم نصابين ( أثناء مايخانق عمي , عمّتي كمش وجهه وقاطعت قائلتاً :
مادريت قسم بالله دايم أذ فتحت الثلاجة أشوف يحطون هالمنكر يادافع البلا وأقوم وأكبة بالزبالة عشان ماحد يشربة , مادريت إنهم يحاسبون عليه لإني كل يوم اشوفهم يحطون بدون مانطلب منهم ولو أنا دارية تسان شاربته ولا ينحسب علينا ( تبي تكحلة أعمته ) . عمّي ضعفت حجتة بس مازال متمسك برأية أنهم نصابين .. قال :
ماحد طلب منكم تحطون هالبطول بالثلاجة الموضف : ياعزيزي عندما تخرجون نقوم بتنضيف الغُرفة و نقوم بالتشييك على الثلاجة
عندما نراها فارغة نقوم بأضافة المشروبات لكي تشرب وتستمتع . عاد آخر شي عمّي دفع [ندعوك للتسجيل في المنتدى أو التعريف بنفسك لمعاينة هذه الصورة] - مايُستفاد من القصّة : قبل تستاجر بفندق أطلب منهم أنهم يشيلون الثلاجة < فاهم غلط [ندعوك للتسجيل في المنتدى أو التعريف بنفسك لمعاينة هذه الصورة] | |
|
@جمانه@
...
.gif "...")
مساهماتك : 3087
تاريخ التسجيل : 14/03/2010
| | موضوع: رد: قصص مواقف من الخارج الثلاثاء يوليو 27, 2010 2:08 pm | |
| | |
|
•●sozy●•
..
.gif "..")
مساهماتك : 3773
تاريخ التسجيل : 10/07/2010
الموقع : في المنتدى
| | موضوع: رد: قصص مواقف من الخارج الأربعاء يوليو 28, 2010 2:18 pm | |
| | |
|
.gif)
.gif)
)آقول ما ودك تسجل عندنـآ ..؟( .png)
.gif)
) آنواع المراكض ورآآك بالعربي نبيك تسجل عندنـآ هالمربع يقول مآمن فكـة ناشب في حلقـك نآششب انا آدري آنـك تبي تسجل يالله حيــة ع فكررة القهوهـ ع النآآر في .gif)
