النظرة اللي ذوبت فيني الشووووووق

النظرة اللي ذوبت فيني الشوق
خلت عيوني مـا تشـوف البـقيـة
****
لأنك ملكت بداخلي قلب وعروق
وتبصم على حبكم اصـبع يديـة
****
كم عاذل من حبنا صار مخنوق
يضحــك وهـو احقـاد قلبه خفية
****
لا ما عليك إن حاربك كل منطوق
وانا بعـد من حـكـيهم مـا علـية
****
معك اعيش الحب ما اعاني حــروق
ياللي خفوقك ما يعــرف الاذية
****
قالوا ان قلبي عن هوى الناس مسروق
واقول من فيكم يجي اليوم زية
****
اقصد جنابك يا اطهر احساس مخلوق
يالي معك شفــت الحـياة الهنية
****
حبك حبيبي ذوق يا كامل الذوق
ماهـو بحـب اهل العقول الغبية
****
انام مع طيفك ولا ودي افوق
مادام حبــك يشعـل الشوق فيه
****
واكتب لك ابياتي مع كل طاروق
واقــول هــذا يــاحبيبـي شـويه
****
خذيتني بكلماتك المرهفة فوق
كـلمـات عـذبه ورطـبه ونـديه
****
وان كان ثوب الصدق والطيب مشقوق
ثوبك مفصل للمعـاني البـريـه
****
قلبي حمامة وانت يا سيدي طوق
اسرتنـي مـن دون كـل البـريه
****
والنسمه الي جت لك اليوم برفوق
ارسلـت معهـا يـاحبيبـي تـحيه
****
فيها معاني الحب مع فايق الشوق
وما همني لـو يزعلـون البقـيه
***********