باغيب احبكـ واذكركـ .. وانت لاغبت غيب بسلامة رب العباد راضي

أحيان أحس إني وسط خافقك ذبت !
وأحيان أجي بالبال لاصرت فاضي




يا صاحبي ليه أكره الناس لاغبت
وأقول خذ قلبي معك .. منت راضي




كم ضاقت الدنيا علي وتعذبت
وكم جيت لك قاضي وعوّدت قاضي




لا إنت الذي قدرت حالي وقربت
ولاإنت الذي خليتني لإفتراضي




داخل عليك إن شفتني ليلة السبت
خلك عن الوجه العبوس امتغاضي




ولاتسأل شلوني .. تراني تقلبت
حتى بياض الوجه ماهو بياضي




لاتلومني .. كم شفت ناس وتغربت
وكم دست بإحساسي ديار وأراضي




وإن كان حسيت إنك بوصلك أذنبت
فالله .. ولا حب ٍ شقوقه عراضي




ولو أسألوك أهل الشماته .. وجاوبت
قل : سيرته مايسمعه غير واضي




بآغيب أحبك وأذكرك .. وإنت لاغبت
غيب بسلامة رب العباد راضي