★طموכـﮯاטּـساڳ يـألـ غ ــلا (2)♥«

واضح كلامي وادري فيك فاهمني
لا عاد تنشـــــــد على قلبـــي وأفعـاله

أرجوك كافي دخيلك روح وفارقنــي
حيران قلبي معاك... وحالته حالــــة...

ما كان له داعي تحرجـني وتلاحقـني
داريت حبل الوصل وإنقطعت حبالــه....

لا قلت لك ( لأ ) يعني لا تناقشنـــي
أنـاآخر إنسان يتراجع عن أقوالــه...

إحفظ كرامة غلاك ولا تناظــــرني
لو صار قلبك ذهب ما أقبل وصـاله....


صبرت ياما وكان الصبر جارحني
أضحك وعيني تصب الدمع همـّاله...

ناديت وغير الصدى ما أظن سامعني
عانيت لجلك ... وقلبك مو على باله...

والحين لما (نـسـيـتـكـ ) قلت : واحشني !!
تســأل عن أخبـار قلبي وآخر أعماله...

(لا والله طيّب وفيك الخير .. فاقـــدني
تعـّبت نفسك وقلبك تـارك أشغـــــاله)....


لا تحلــف إني على بالك وذاكــــرني
الحب صعبة .. على قلبــك وأمثـــاله...

وإن كـان فعلا ً بوجهك دم ...( فــارقني)
ولا تقول صدفة لقيتك هذي مو حـالة...